nwai namchyim

Sunday, August 8, 2010

Hka Zu shat mai

Tsawra ai manang ni e hka zu shat mai bai shadu sha ga.
ra ai a rai ni.
1 Jum
2 Sha-nam
3 Sau
4 Sha-kau hpraw
5 sha-kau hkyen lap
6 Hkoi sau (Hka-yu-si)
7 peper

dai hte sha re ,

Shawng n-nan Hka zu hpe baw kaw na hkyi ni la kaw na ka-ang kaw na ga na, ka shing da na , ngut jang jum chyi mi hte peper bang na ga-yau taw da na.
Sha kau hpraw hte sha nam hpe mung a pa pa di ga lap da na. Sau di dun na sau kachyi mi bang na hka zu hpe ga-ngaw (5 min) ram sha ga-ngau na, shaw da na.
Ngut jang sha-nam hpe shawg ga-ngau na loi mi ma nam hawm wa sai nga jang shakau hpraw hpe bai bang dat na lai mi hkraw wa jang, mi ga-ngau da ai Hka zu hpe bai bang na Hkoi sau bang na, sha lau ya na, ngut jang hka kachyi mi bang na ma gap da na,loi mi na jang chyim yu na jum ni mu jang shakau hkyen lap bang na grai mu ai Hka zu shat mai hpe
mai sha sai,,,

Shadu sha ai ni yawng grai mu hka lu shadu sha mung ga !!!!!!!
Tsawra myit hte,
nwaichyim

Wednesday, August 4, 2010

Shat htoi re ai

Tsawra ai manang ni e ndai shat htoi gaw ngai shadu ai nre ai .
KCNL ni a n-gun awai hpawng kaw manang ni shadu sa ai kaw na la wa ai re .
grai mu ai.
Sam lu sha re ai da.

tsawra myit hte,
nwai nam chyim

Sunday, May 30, 2010

Dumsu Shan Shadu

Hello! manaw manang ni yawng hpe shakram dat ai re.Daini nwai namchyim kaw nna shat mai dami bai shachyen ya mayu ai re.Dai gaw dumsu shan shadu re.

Ra ai arung arai ni gaw..

1.Dumsu shan
2.Shakau hpraw/hkyeng
2.Mahkri Sum
3.Gala masala
4.Shanam
5.Chicken powder
6.Jum
7.Sau
8.Hpak Gyi ni re.

Shawng n nan gaw dumsu shan hpe tinang ra ai ram loi kaji ji di tawk nhtawm,jum,chicken powder ni hte manat da na,shkau hpraw/hkyeng hte shanam ni hpe htu(sh) mani hkra tawk nhtawm e mahkri sum hpe mung tawk nna shan hte gayau na gala masala ma bang na sau loi hte hka loi mi bang na 30 mins ram shadu da na.Ngut jang ban kaw sha tsawm nna hpak gyi gamun bang nna mai sha sai re.

tsawra shawang myit hte

nwai namchyim

Wednesday, May 19, 2010

Wa-shan hte Ma-kru ga-ngau re ai,,,,,,,,

Tsaw ra ai manaw manang ni e , ndai kalang gaw Makru hte Wa shan bai shadu sha ga,,

Ra ai a rai ni.
1. Jum
2. Shakau hpraw
3. Majap
4. hkoi sau
5. Sau
6. Mahkri sum (myin myin re)
7. Shanam
8. peper
dai ni sha re ai .
Shawng n-nan e Wa-shan hpe a hpa2 di mawt na, Ma-kru hpe mung a hpa2 di a shin na mawt na,,
Mawt dai ai Wa-shan kaw jum,peper, Hkoi sau , shanam a hpa2 di mawt bang na gayau da na,,,
Ngut jang sau di dun na majap ra ai ni,, majap hpe shawng ga-ngau na,, shakau hpraw hpe a dep na bai bang dat hkut wa jang mi gayau da ai Wa-shan hpe bai bang dat na,
Wa-shan hkut wa jang,, Ma-kru kaw peper kachyi mi bang na, Mahkri sum kaji ji mawt da ai hpe bai bang dat na shalau ya na hkut jang gaw mai sha sai .

Tsawra myit hte ,
N wai nam chyim shat gawk.

Monday, May 17, 2010

Chya-Hkan kaji shadu

Tsawra ai, Manaw manang ni e, ndai lang gaw Chya-hkan kaji bai shadu sha ga.

Ra ai a rai ni,,,

1. Jum
2. Shanam
3. Shakau hpraw
4. Tsa
5. hkoi sau(oyster sauce)
6. Sau

dai ni sha re ai.
Shawng n-nan e,,,,Sha-nam hpe gaw pa2 di ga lap da na. ngut jang shakau hpraw hpe gaw a dep na,,, Sau di dun na,, Sau hkut wa sai nga jang shanam hpe shawng ga-ngau na,, shakau hpraw hpe mung ga-ngau na,,, kashin dai ai chya-hkan kaji hpe bang dat na .
Ngut jang Tsa,jum hte hkoi sau(oyster sauce) hpe bang na hka kachyi mi bang na ma gap da na, hkut jang gaw mai sha sai

sha tsawm na matu hpak-kyi or Sha kau hkyen lap hpe mai bang ai.

Tsaw ra myit hte,,,
n wai nam chyim shat gawk,

Sunday, May 16, 2010

Hkoi sha du

Tsaw ra ai manaw amnang ni hpe n dai lang gaw ka dai mung n lu sha ga ai,(mai gan kaw nga ai ni hpe tsun ai),gat kaw mung n dut ai shat mai hpe sha chyen ya ma yu ai law,,,dai gaw,,,lawu kaw mu ai sumla kaw na
"Hkoi sha du shat mai" re.

ga,,gai,,myit shang sha ai ni yawng hpe an hte gara hku sha du sha ai hpe tsun dan na n ngai!!
ra ai ni gaw,,,
1.hkoi
2.sha nam
3.sha kau hpraw
4.kum-ba sha kau(sa pa lin)myen hku
5.majap naw-hpu yan(pe`nga-pi) "
6.hkoi sau(oyster sauce)
7.jum
8.pepper
9.miwa tsa
10.soya sauce(n bang tim n ra ai)
ok,,ya la hta na yawng hkum jang gaw sha du bang wa sa ga!!
shawng n nan..A Hkoi hpe hka hte a tsawm ka shin na(hkoi nau ka ji ai majaw n tawk chyai sai hku re).Bai na Sau di kaw sau nau law n re sha chyi mi bang na,,sau hkut wa jang Sha nam pa2 di mawt tawn da ai hpe shawng bang dat na.,sha nam chyi mi hawm wa jang sha kau hpraw a brap da ai hpe bai bang dat na.,dan na A Hkoi hpe bai bang dat na.,dai hpang lahta kaw na No 4 kaw na 10 na ni yawng hpe ra ai daram bang na 7min daram sha lau ya ngut ai hpang hka hpe Hkoi n mu hkra bang na,htu da ai Kum-ba sha kau hpe gyit manai kau na 2,3 daram bang da na,di magap tawn da na,wan ja ai rai yang min30 daram sha du na langai hpe la na shawng hkut n hkut chyim yu na hkut jang gaw sumla kaw mu ai hte maren, shing na ma-sen ai baw hte mai shaw sha sai,,
*matsing,,,(majap nawhpu yen, gaw jap ai re majaw majap nau n lu sha ai ni ngaw chyi
mi sha bang na)
,,,( Tsa gaw n bang n mai ai hku re,,sea food ni gaw dai n bang yang sin ma-
nam ai majaw bang ya ra ai)
Buga de gaw Hkoi hpe n gu sha mun ni hte sha du sha ma ai tim,,nang kaw gaw Hkoi ka ji na n dai hku sha shi na shan sha, la sha ai hku re,,,
n dai Hkoi gaw an hte ni n ta hte nau n tsan ai Groningen de na pailai kaw na sa hta na sha du sha ai re,,manang ni yawng mung pailai hte ni ai ni mu jang la wa na, chye sha du sha na matu yaw sha da let sha du Niii hpe garan ga kyen dat n-ngai law,,,
Sa chyai ai ni yawng hpe hkap tau let!!
Tsawra myit hte,,
N Wai Nam chyim shat gawk,,

Hkoi Sa hta la ai shara re ,,,,

Hkoi sa hta la ai shara re ,,,,,,

Wednesday, May 12, 2010

Nga Shan jahkraw hte Ma-jap kaba ga-ngau

Tsaw ra ai manaw manang ni e...ndai Nga Shan ja-hkraw hte Ma-jap kaba ga-ngau gaw grai mu ai.Grai mung ga-ngau sha loi ai re.
Ra ai a rai ni,
1. Shakau hpraw
2. Sha-nam
3. Jum
4. Ma-jap kaba
5. Nga shan jahkraw
6. Sau

dai ni sha re ai.

Shawng n-nan e Shakau hpraw , Sha nam , Ma-jap kaba hte Nga shan ja-hkraw ni hpe a hpa-hpa sha ka-doi na, ngut jang Sau di tun na,ka-doi da ai Shakau hpraw hte Shanam ni hpe hkraw-hkraw rai hkra ga-ngau na . Ngut jang Nga Shan jahkraw hpe bai bang dat na Nga shan loimi hkraw wa jang jum bang, Ma-jap kaba bang di na 5 min da ram rai jang mai sha sai .

Tsaw ra myit hte .
n wai nam chyim shat gawk.

Wednesday, May 5, 2010

Nga Kabaw

Tsawra ai Nu Wa hpunau ni yawng ngwi pyaw nga mu ga law, ya ndai lang gaw Nga Kabaw si mai hte shachyen ya mayu ai.

Ra ai rai ni gaw

1.Nga langai mi
2.Mahkaw Nam
3.Shing tawn pan
4.Hpak Kyi
5.Mawau si jahkraw
6.Shanam
7.Shakau hpraw
8.Majap katsing
9.Jum
10.sau
11.Chicken powder
12.Lahpaw or Alluminium paper.

Shawng nnan gaw Nga hpa shawng jasan jaseng kau ga,dai hpang dum rit nhtawm jum,chicken powder, mawau si ni hte manat na 10min ram tawn da ga.Hpa kyi,shing tawn pan,mahkaw nam hte shanam, shakau hpraw ni hpe mung mani hkra azat nna Nga hte manat ga, kan kata kaw azat da ai lap ni bang ga, dai ngut jang lahpaw hte Nga kaw sau loi chya nna makai nhtawm bung hkrawng kaw 50min ram kabaw da yang mai sha sai re.

tsawra shawang myit hte,

nwai namchyim shat gawk

Thursday, April 22, 2010

N-baw hte ga-ngau ai Muk ma-gaw re !!!!!!!!!!!!!

N-dai n-baw ga-ngau gaw grai loi ai, grai mung mu ai .
Ra ai Ah rai ni,
1. n-baw shingmun n-gu (ToKo kaw mai mari ai)
2. Baking powder ( C1000 kaw mai mari ai)
3. Jum kachyi mi
4. chyim Nam a hpraw ( ToKo kaw mai mari ai )
5. Nam htan
6. Sau
dai hte sha re,

Shawng n-nan n-baw shingmun n-gu hpe zarung kaw bang,Baking powder bang,Jum kachyi mi hte Hka kachyi mi bang na, manat n-na, 20 Min tawn da na .
Dai hpang lata hte gumrit na Chyim Nam chya na sau hte kangau dat na .
Nam htan hpe hka hte shadu da na.
Dan na gaw mai sha sai .
N-baw sha ra ai ni galaw sha byin hkra galaw sha ga.

Tsawra myit hte,
N-Wai nam chyim shat gawt.

Monday, April 19, 2010

Mati Jahkraw hte Majap Dwi Kangau

Nwai Namchyim manaw manang ni hpe ndai kalang gaw shat mai langai hte bai shachyen ya mayu ai re.Dai gaw Mati jahkraw hte majap dwi kangau re.

Ra ai rai ni gaw

1.Mati jahkraw
2.Majap dwi(sweet pepper)
3.Shakau Hpraw
4.Shanam
5.Sau
6.Jum
7.Chicken powder ni sha re

Mati jahkraw hpe hka kahtet hte tsing da ga.dai ngut jang majap dwi n sam myu hkum sum hpe asoi soi di galep da na. Mati jahkraw bawm yang tsai hkra kashin kau nhtawm asoi soi di bai galep na.Shanam hte shakau hpraw hpe adep nna tawk kau na shajin da ga.

Ya sha du wa ga, chyaw di hta sau bang na ngut jang shakau hpraw hte shanam hpe bang na.Dai hkut wa yang mati bai bang na, 10min ram kangau kau ra ai. Dai hpang majap dwi hpe bang na jum hte chicken powder hpe bang na loi shalau jahkut dat yang mai htawn sai.

Dai gaw shan nlawm ai sha aten kadun hte mai shadu sha ai shat mai langai mi re ngu, nu wa manaw manang ni hpe shachyen dat ya ai re.

tsawra shawang myit hte,
nwai namchyim

Monday, April 12, 2010

Gala Shan Hkak Shat Mai

Nu Wa hpunau ji n pan ni yawng ngwi pyaw nga mu ga ngu nna shawng nnan shakram dat nngai.Anhte nwai namchyim shat gawk kaw nna ya kalang mi bai shat mai myu mi hte shachyen ya mayu nngai re.

Ra ai rai ni

1.Dumsu Shan hkak
2.Sau
3.shakau hpraw hte hkyeng
4.Mahkri Sum
5.shanam
6.Kumgyin
7.Hkrang pawt hkyeng(carrot)
8.Naw kyu (bo sa pe)
9.Mat sa la
10.Jum
11.chicken powder ni jahkum na shadu wa yu ga.

Shawng n nan shakau hkyeng hte mahkri sum hpe din din hpa hpa di na galep da ga.shakau hpraw hte shanam hpe ahpa hpa di mawt da na.Kumgyin,corrot hte naw kyu ni hpe gaw tawng kaji(dice)gawlaw da ga.shan hkak hpe gaw jum, chicken powder hte manat da na.

Yawng jin yang, sau di dun nhtawm e shakau hpraw hte shanam hpe shawng kangau la nna shan hkak hpe bang na hkut wa yang shakau hkyeng hte tawk da ai namlaw nam lap ni bang na, hkut wa maw ai hte mat sa la hte jum ni bang na.Chyim yu nhtawm e anamchyim hkrak yang mai sha sai re.

tsawra shawang myit hte

nwai namchyim shat gawk

Thursday, April 8, 2010

A-Kyaw hkrum hkra hte,

Ndai A-kyaw gaw manang ni nta sa chyai ai shaloi kyaw jaw ai kaw na la wa ai re .
Nwainamchyim kaw sa chyai ai manang ni a matu lak san la wa ya ai re.
1. Tauba si kyaw
2. Gala sha pya kyaw
3. Tofo kyaw
4. Shan gum din kyaw ni re.

Grai mu ai . yawng sha la na she wa ga,,

Tsawra myit hte,
Nwainamchyim shat gawk

Thursday, March 11, 2010

Wa shan hte Mahkri shadu re .

Monday, March 8, 2010

Saga Hka Si Hte Katsu Jahkra kangau

Nhkrum ai loi na mat sai,blog manang ni yawng ngwi pyaw nga na re ngu kam ai.ya daini manaw manang ni hpe shat mai amyu mi hte bai shachyen ya mayu ai.Dai gaw anhte ni galoi mung shadu sha ai Saga hka si hte katsu jahkraw kangau re.

Ra ai rai ni gaw,
1.Saga hka si
2.Katsu jahkraw
3.Shakau hpraw
4.Shanam
5.Mahkri Sum
6.Oyster Sauce
7.Peper powder
8.Jum
9.Sau ni bang na shadu sha yu ga i.

Saga hka si hpe asoi soi di galep na jum hte gayau nhtawm 2min daram tawn da ga.Katsu jahkraw hpe mung hka hta tsing da ga.Aten hpring yang saga hka si hpe hka hte kashin nhtawm hka tsai hkra shup kau na.Katsu hpe gaw loi tawk mani kau na. Shakau hpraw hpe htu la na,mahkri sum hpe gaw kaji ji di nna tawk da na.shanam hpe gaw loi hpe sha htu bang ga.

Jin yang Sau di dun nhtawm e sau bang na, kahtet wa yang shakau hpraw bang na loi kangau kau nhtawm, shanam bai bang na ngut jang katsu jahkraw bang na, 2min daram kangau kau ngut yang mahkri sum bang na, dai loi hkut jang saga hka si bang na shalau ya na,hkut wa jang oyster sauce hte peper powder bang nna htawn kau mai sai.Dai hpe e ban hta atsawm di bang nna sumla hta madun ai hte maren shaku hta mai sha sai re.

Tsawra hku hkau let,
Nwai namchyim shat gawk

Sunday, February 21, 2010

Tofo kayau

Tofo kayau grai lau hkra galaw da ai.
nwai namchyim kaw sa chyai ai ni yawng sha na matu galaw da ai.

tsawra myit hte,
nwai namchyim shat gawk

Tofo kangau

Tofo kangau hte Magyeng si chya hkri.

Sunday, February 14, 2010

U shan hte Hkawk Soi

Tsawra ai Nu wa kahpu kanau ni,anhte W.P myusha ni gaw kanang ga mi du mat tim anhte a lusha, htung hking hpe galoi n malap ai ni rai nga ga ai.Dai rai nna anhte ni a shinglet hte htap htuk ai lusha ni hpe aloi sha kadai mung lu shadu sha na matu anhte nwai namchyim shat gawk kaw na mung chye ai made grai sharawng awng let galaw madun da ga ai re.

Ya dai ni na valentine's nhtoi hta gaw tsaw myit sumri hte bung ai hkawk soi shadu sha ai ladat hpe jawm yu yu ga ngu ga saw mayu ai re law.

shawng nnan ra ai rai ni hpe mahkawng yu ga i.

1.Hkawk soi
2.Ushan
3.shau gaw, pa gaw
4.shanam
5.soya sauce
6.chicken powder
7.Bean paste
8.shakau hpraw hte chying nam kangau da ai
9.majap hka ngwi
10.Hpak kyi
11.jum
12.Sua
13.seasame oil
ni lang na shadu sha wa yu ga i

Yawng a shawng u shan hpe tinang ra ai ram tawk la ga,dai hpe jum,shau gaw pa gaw shanam shakau hpraw ni abrep bang, soya sauce loi,chicken powder bang hka loi law bang nna shadu da ga.U nra ni hpe gaw si ntsin shadu la mai ai.Dai kaw gaw jum,shanam,shakau hpraw abrep bang yang mai sai.

Dai shadu nga ai ten hta shakau hpraw hpe loi law law atawk mani la nna chying nam hpe gaw loi kangau n na htu la na, dai hpang sau loi law law bang shakau hpraw hpe shawng kangau na , dai hkut wa jang htu malu da ai chying nam hpe bang na 2min ram na ai hte htawn da na.

Sha nam labra mi ram hpe atawk mani da na, hpak kyi hpe mi kadoi da ga.

Hkawk soi hpe gaw hpum lum prut ai kaw 3 min ram shadu kau ra ai.

Hkut sai hkawk soi ntsa kaw e jum hpe ra ai ram,shanam tawk da ai loi mi,seasame oil,soya bean peast,shakau hpraw hte chying nam kangau,hpak kyi hpe gamun bang dai nna ushan shadu da ai hpe bang, ntsin hte sha mayu yang ntsin bang nhtawm e hkang hkri kayau hte mai sha sai re.

Ra ai rai ni hpe gaw tinang nga ai lamu ga hta hkan na lu loi ai rai ni ( ga shadawn shapre lap ni zawn) hpe mai bang sha ai re.

shawang myit hte
nwai nam chyim