U Shan hte N- gu kangau Shadu

Nu, Wa, hpunau ji npan ni daini gaw anhte w.p htung hking lu sha langai rai nga ai Ushan hte n-gu kangau shadu sha ai lam bai jawm yu ga i!

Ra ai arung rai ni gaw

1.Ushan
2.N-gu
3.shakau hkyeng/hpraw
4.shanam
5.Machyang si
6.Oyster Sauce
7.Chicken powder
8.Jum
9.Sau
10.Majap jahkraw
11.soya sauce

ni bang na shadu yu ga i.

Gai.. ra ai rai ni hkum sai nga yang U shan hpe tawk nna jum,shanam ntsin,chicken powder,oyster sauce,chicken powder ni hte manat nna 20min ram tawn da ga.Dai ngut jang N-gu la chyup mi hpe hka hte kashin kau nna wan nau nlaw ai sha kangau kau nna hka ngwi hkra htu kau na.Shakau hpraw/ hkyeng, majap,shanam, machyang si hpe htu nhtawm e sau hte kangau na,ngut jang ushan hpe bai bang na,dai hkut wa jang n-gu htu da ai hpe bai bang na dai hpang hka hpumlum loi law law bang dat ga.30mins daram shadu kau yang hkut sa na re,tinang ra ai namchyim hta hkan nna jum,majap, si shum ni bang n na shat ku hta mai sha sai re.

By-- nwai namchyim

Htu hkam hte Hkau soi

N-dai hpe gaw Miwa seng snr ToKo seng kaw na mai mari la ai hku re .

Apyaw

Daini kalang mi bai nwai nam chyim shatgawk de sa chyai ai manang ni hpe 'Apyaw' hte bai hkap hkalum dat nngai law.

ra ai arai ni.
1. Htu hkam (sh) Ga-la shapre
2. Hkau soi
3. Jum
4. Jum-dwi
5. sau
6. Sanung
7. Shakau hpraw
8. Nam-moi
9. hpak kyi
10. Majap shing mun
11. Naw hkun


Dai hte yawng hkum jang galaw ra ai ni hpe galaw wa sa ga, Myen mung kaw gaw mari sha yang grai loi ai re. Maigan hkan du hkawm mat jang gaw mari sha mamyu tim n dut ai majaw ti nang nan chye galaw sha ra ai hku re.

Shawng n-nan e Htu-hkam snr shapre hpe Shana kaw na tsing da na, jahpawt e dai shapre hpe ngai gaw Namsi rin sha ai baw jak hte rin la ai. Hka kachyi mi bang na grai mani hkra rin ga. Ngut jang ahpa sha re sumpan hte
Zarung langai kaw jen bang na ntsin shup la na, sha pre a-pa hpe zarung langai mi kaw Hka hte bai kayau la ngut jang sumpan hte kalang mi bai shup la na.
ngut jang dai hpe nayi hkying hkum 2 snr 3 ram chyahtung tawn da ga.

# Hkau soi hpe mung shana kaw na tsing da yang grau kaja na re. Tsing da ai Hkau soi hpe hka prut prut re kaw minit 5 ram shadu la na, Hka hkyen da ga.
# Majap Shingmun hpe wan kaw bang na Sau gahtet ru bang na shalau na tawn da na.
# shakau hpraw hpe yu nna hkraw hkraw byin hkra gangau da ga.
# Nam-moi hpe hka kachyi mi bang na shadu la na.
# Nawhkun hpe mung Sau n bang ai sha kangau la na myit n-myit di htu da na.
# Hkang hkri hpe mung a soi soi sha mawt na jum, majap,nam-moi ntsin,hpak kyi, gangau da ai shakau hpraw ni bang nna gayau da ga.

Apyaw di hpe shawng n-nan e sau kachyi hte Sanun shingmun hpe gangau la ngut ai hte Mi yat chyahtung da ai zarung kaw na ntsa hka hpe bang dat na, shadu da na. lawu kaw htung taw ai hpe hka kachyi mi hte shangam da na. Hka hpe tinang na tinang yu na sharam bang ga.

Shadu da ai Hka prut jang Hka loimi shaw da na, Mi ngam da ai hpe kayau na dai kaw ga-gwi gwi bang na shalau ya na. Jum hte Jum dwi hpe bang dat na. Minit 20 ram shalau na hkut jang Shapre lenghpun sha mayu yang gaw dai kaw na la na katsi da jang gaw mai sai . dai la ngut jang mi shaw da ai hka bai bang na Shalau yang APyaw lu sai.

Ya gaw hkau soi hpe wan kaw bang n-na mi gawlau dai ai arai ni hpe bang dat na sha mai sai hku re .
Shan hte sha mayu ai ni mung shan gangau bang na sha ga.

Hku hkau Tsaw ra nga let,
n-wainamchyim shat gawk

Dumsu shan Si N-tsin

Ya kalang mi bai sha dat yang kalang ta n-gun bai wa ai dumsu shan si n-tsin shadu sha ai ladat bai jawm yu ga.

ra ai rung rai ni

1. Dumsu shan
2. shanam
3. Machyang si jahkraw
4. Jum
5. shakau hpraw
6. Chicken powder
7. Lime
8. Hpak gyi ni re

Dumsu shan hpe kashin jasan kau nna,jum ,chiken powder, machyang si hte gayau da na,20 mins ram na jang, hka prut hkra shadu nna dumsu shan ma shakau hpraw shanam hpe abrep bang nhtawm sha du da na. dumsu shan hpe kya hkra shadu kau na.Hkut jang tawng kaji kaji di atawk nna bai bang na. sha sana nga yang wan hta bang la nna, tawk mani da ai shanam hte shakau hpraw hpe bang na, hpak gyi hpe mung bang na,shakau hpraw kangau loi bang yang grau kaja ai.Lime hte majap katsing ma bang sha mai ai.

tsawra myit hte,

nwai namchyim.

U Hpa

Nu Wa hpu nau ni anhte w.p myusha ni law malawng ra sha ai u hpa shadu sha ai lam yu yu ga i.

Ra ai rai ni jawm mahkawng yu ga,

1. N-gu
2. U Shan
3. Sau
4. Shakau hpraw/ hkyeng
5. Shanam
6. jum
7. chicken powder
8. Hpak gyi
9. majap shing mun
10.Hkang hkri

ni lang na shadu wa ga i,

shawng nnan n-gu hpe kashin na sau loi mi hte 3 mins ram kangau kau na,dai hpang shanam hte shakauhpraw hpe abrep bang na, shakau hkyeng kaji 10 ram hpe tawng nawng bang na,kashin jasan da ai u shan hpe bang nna shadu da na.Hkring hkring sha lau ya ra ai.

shadu nga ai laman,shakau hkyeng hpe ahpa hpa di galep nhtawm e sau law law hte hkraw hkra kangau na, majap shing mun hpe sau hte kangau na, hpak gyi hpe mawt da na.

Hkang hkri hpe mung mawt nna jum, majap katsing,shakau hpraw/hkyeng kangau, hpak gyi hte nam oi ntsin ni bang na kayau da na.

Ushan hkut jang ashin la na, n-gu ayai mat yang gaw hpa hkut sai re,namchyim hpe gaw madu ra ai hku jum,chicken powder ni bang sha ga.Ashin da ai ushan hpe mung bang dat nna mai sha sai re. wan hta e hpa bang na ntsa kaw shakau hkyeng kangau hte hpak gyi gamun bang na hkang hkri hte kayau sha ai gaw htap htuk dik rai nga ai.

Nga shan hte kunggyin

Tsawra ai manang ni e, dai na gaw Nga shan hte kunggyin shat mai bai shadu sha ga.
bang ra ai arai gaw;

1. Jum
2. chicken powder
3. Shanam
4. Shakau hpraw/hkyeng
5. Mahkri sum
6. Kungkyin
7. Sau
8. Machyang si

Ndai hte sha re ai.

Arai ni yawng hkum sai hte maren shadu wa sa ga .
Shawng n-nan e Nga Shan hpe gashin na, a soi soi sha mawt ga .
Kunggyin hpe mung a soi soi sha mawt da ga.
ngut jang Shakau hpraw hte shanam hpe jum bang na htu ga.
Htu ngut jang n tsin hpe shup la na, Machyang si hte chinken powder ma bang di gayau da ga.
Minit 10 ram na tawn da ga.
Sau di dun na, Sau hkut jang mi ntsin shup la kau sai shakau hpraw hte shanam pa hte shakau hkyeng hpe shawng gangau, hkut na hkyeng wa jang, gayau da ai Nga shan hpe bai bang dat ga.
Nga shan kaw na pru ai hka hkyet mat na Sau pru jang
Mahkri sum bai bang dat ga.
Mahkri sum hkut wa jang Kunggyin bai bang dat ga.
Ngut jang hka loi mi bang na kunggyin hkut jang .
chyim yu na mu jang mai sha sai .


Yawng hpe Hkuhkau tsawra let,
nwai namchyim shatgawk.

Nga shan hte kun gyin

Nga jinghpaw shat mai

Tsaw ra ai manang ni e , dai ni kalang mi bai Nga Jinghpaw shat mai shadu sha ga!!!

Nga jinghpaw shat mai shadu yang bang ra ai a rai ni,

1. jum
2. shakau hpraw
3. Majap
4. Machyang si
5. Hpak kyi
6. Ma hkaw nam
7. gala hpak gyi, shing tawn pan
8. Mahkri sum
9. Naw hpu
10. Mawau si ja hkraw
11. Chicken powder
13. Sau

N-dai hte sha re ai.

A Rai ni yawng hkum sai hte maren Shadu hpang wa sa ga.

Shawng n-nan "Nga" hpe gashin ga.
Ngut jang arit arit di nna, zarung kaw bang ga.
Nga hpe Atawk kau tim mai ai.
Ngut jang Shakau hpraw ,Jum , Majap , Machyang si, Nawhpu, ntsa kaw ka da ai Namlap ni bang na, yawng hpe htu ga.
Htu ngut jang shaw la na nga gashin da ai zarung kaw bang ga.
Dai hpang Mawau si jahkraw, Mahkri sum, Chicken powder hte sau ni hpe mung bang na gayau nna minit 15 ram tawn da ga.

ngut jang hka loi mi bang na minit 25 ram shadu jang
Grai mu ai "Nga" Jinghpaw shat mai lu sai.

Nwai Namchyim a lu sha ku langai

Kya Zan Shadu

Mungkan shingra shagu chyam bra nga ai hpu nau ni e , ya kalang mi bai myen htung hking lu sha rai nga ai Kya Zan gara hku sha du sha ai kun, jawm yu ga i.

Ra ai rai ni gaw
1.Kya Zan
2.Ushan
3.Udi
4.Makret na
5.Shapre jahkraw pa
6.Gawk ngu pu jahkraw
7.Fish ball
8.Fish sauce
9.jum
10.Sau
11.Mahkri sum
12.Shakau hpraw/hkyeng
13.Hpak kyi
14.chicken powder ni rai nga ai.

Shawng n-nan Kya zan hpe hka katsi hte tsing da na, Ushan hpe atawk na jum, sha nam, shakua hpraw, fish sauce hte sha du da na.
Ngut jang shadu na di kaw sau loi bang na atawk ma ni da ai shakau hpraw hpe kangau na,loi hkyeng wa yang mahkri sum atawk da ai hpe bai bang, dai hpang fish ball bang na, 2min ram na jang makret na bang n htawm loi gangau kau ngut jang, hka hpe yu shadawn na loi law law bang na.Dai prut wa jang hka hte tsing shakya da ai gawk ngu pu jahkraw, shapre jahkraw pa, Kya zan hte shadu jahkut da ai ushan hpe ashin nna bang na, u shan shadu ntsin hpe mung bang na, jum majap ni hpe gaw chyim yu nna ra ai hku bang sha ga.

Dai yawng ngut jang, atsawm hkut hkra shadu da ai udi hpe chyen mali di ga nna bang na,hpak kyi hpe ga mun bang ngut jang mai sha sai re.

* Tingnang ra sha ai hku hkan na majap, fish sauce hte hkri ai namcyim ni mai bang sha ai.

shawang tsaw myit hte
nwai namchyim shat gawk

Si pa

Tsawra ai manang ni e, daini gaw Si Pa bai galaw sha ga i!!
Ra ai a rai ni.

1. Chyinghkrang
2. Yung pa-di
3. jum
4. Hkatsu jahkraw
5. Mahkri sum
6. N-gu shing mun
7. Sha kau hpraw
8. Sha kau hkyeng
9. Sha nam
10. sau
11. Majap (ra jang mai bang ai)
12. Hpak kyi


N-dai hte sha re!

Gai,,,,, ra ai a rai ni yawng hkum sai hte maren shadu wa sa ga.
Shawng n-nan Namlaw Namlap ni hpe shawng kashin na hka jen da ga.
Hkatsu jahkrau hpe hka hpun lum hte tsing da ga.
ngut jang Sha kau hpraw/hkyen ,Sha nam , Hkatsu ,Jum , Majap (ra jang
mai bang) ai . Dai ni yawng hpe htu ga.

Dai hpang kashin da ai Namlaw Namlap ni hpe za rung kaba kaw bang.
Mahkri sum ma gadoi bang ga. N-gu shingmun hpe hka hte gayau na bang dat ga.
Mi htu da ai Sha kau sha ban yawng hte sau bang na gayau na.

N-tsin n-hkaw mat na matu La hpaw (sh) Aluminium hte sap n-na kabaw di kaw 30 min
ram na hkra kabau ngut jang mai sha sai .

Shawang tsaw myit hte
Nwai Namchyim Shat gawk

Jinghpaw Nga kayi

Gai,tsawra ai Nu wa manaw manang ni namchyim mi arawng rai nna, w.p myusha ni a shing let hte htap htuk la ai jinghpaw nga kayi shadu sha ladat hpe jawm yu yu ga.

Nga kayi si mai da mi byin wa na matu ra ai rai ni

1.Nga
2.Lahpaw
3.jum
4.majap
5.chicken powder
6.Machyang si
7.Mawau si jahkraw
8.shing tawn pan,mahkaw nam,gala hpak gyi(htap htuk ai kaga namlap ni mai bang ai)
9.Sau
10.shakau hpraw

Shawng nnan "Nga" hpe kashin jasan nhtawm dum rit ngut jang atawk nna jum,majap,macyang si,shakau hpraw,lahta e kada ai malap ni hpe htu shamyit (sh)
soi soi di mawt, dai hpang chicken powder ni mawau si jahkraw ma bang nna manat da na.
minute 20 daram na jang sau loi bai bang nhtawm e lahpaw (sh)aluminium hta e makai nna oven hta e 200'c hte 50 min na hkra kayi da yang lahta e madun da ai shat mai da mi lu wa na re.

*Hti hkrup ai ni yawng kalang ram sha pi galaw sha byin na hpe kam ai.

hku hkau tsawra let,
nwai namchyim shat gawk.