Tofo kayau

Tofo kayau grai lau hkra galaw da ai.
nwai namchyim kaw sa chyai ai ni yawng sha na matu galaw da ai.


tsawra myit hte,
nwai namchyim shat gawk

Tofo kangau

Tofo kangau hte Magyeng si chya hkri.

U shan hte Hkawk Soi

Tsawra ai Nu wa kahpu kanau ni,anhte W.P myusha ni gaw kanang ga mi du mat tim anhte a lusha, htung hking hpe galoi n malap ai ni rai nga ga ai.Dai rai nna anhte ni a shinglet hte htap htuk ai lusha ni hpe aloi sha kadai mung lu shadu sha na matu anhte nwai namchyim shat gawk kaw na mung chye ai made grai sharawng awng let galaw madun da ga ai re.

Ya dai ni na valentine's nhtoi hta gaw tsaw myit sumri hte bung ai hkawk soi shadu sha ai ladat hpe jawm yu yu ga ngu ga saw mayu ai re law.

shawng nnan ra ai rai ni hpe mahkawng yu ga i.

1.Hkawk soi
2.Ushan
3.shau gaw, pa gaw
4.shanam
5.soya sauce
6.chicken powder
7.Bean paste
8.shakau hpraw hte chying nam kangau da ai
9.majap hka ngwi
10.Hpak kyi
11.jum
12.Sua
13.seasame oil
ni lang na shadu sha wa yu ga i

Yawng a shawng u shan hpe tinang ra ai ram tawk la ga,dai hpe jum,shau gaw pa gaw shanam shakau hpraw ni abrep bang, soya sauce loi,chicken powder bang hka loi law bang nna shadu da ga.U nra ni hpe gaw si ntsin shadu la mai ai.Dai kaw gaw jum,shanam,shakau hpraw abrep bang yang mai sai.

Dai shadu nga ai ten hta shakau hpraw hpe loi law law atawk mani la nna chying nam hpe gaw loi kangau n na htu la na, dai hpang sau loi law law bang shakau hpraw hpe shawng kangau na , dai hkut wa jang htu malu da ai chying nam hpe bang na 2min ram na ai hte htawn da na.

Sha nam labra mi ram hpe atawk mani da na, hpak kyi hpe mi kadoi da ga.

Hkawk soi hpe gaw hpum lum prut ai kaw 3 min ram shadu kau ra ai.

Hkut sai hkawk soi ntsa kaw e jum hpe ra ai ram,shanam tawk da ai loi mi,seasame oil,soya bean peast,shakau hpraw hte chying nam kangau,hpak kyi hpe gamun bang dai nna ushan shadu da ai hpe bang, ntsin hte sha mayu yang ntsin bang nhtawm e hkang hkri kayau hte mai sha sai re.

Ra ai rai ni hpe gaw tinang nga ai lamu ga hta hkan na lu loi ai rai ni ( ga shadawn shapre lap ni zawn) hpe mai bang sha ai re.

shawang myit hte
nwai nam chyim

Romania shatmai

Romania manang sharin ya ai Shatmai re ai.
Ra ai arai ni;

1. N-gu kachyi mi
2. Mawng-lar-htuk
3. Sau
4. Shakau hpraw/hkyeng
5. Jum
6. Maung-lar-htuk chyihkri
7. Mahkri sum n-tsin
8. Wa shan hpe mini hkra a zat na
9. Wa shan asau hte re ai.
10. Ma hpyit bawm dai ni sha re ai .

Shawng n-nan Maung-lar-Htuk (langai) hpe sau kachyi mi bang na hka hte shadu la na.
Sau bang yang she lap langai hte langai gaw la loi ai . grai na hkra n shadu ra ai.
Alap hkut jang langai hte langai hpe gaw la na gin lang hpe gaw n-htu hte kadoi kau ya na,

Ngut jang Shakau hpraw/hkyeng, ni hpe kachyi chyi sha byin hkra tawk na.
Zarung langai mi kaw N-gu, a zat da ai Wa shan , tawk da ai shakau/hkyeng, jum, Mahpyit bawm, Sau bang di na kayau na.


Maung-lar-htuk alap langai kaw,Shan gayau da ai ni hpe bang nna makai kau na.Ngut jang, di langai kaw shawng n-nan Maung-lar-htuk chyihkri hpe kachyi mi bang nhtawm makai da ai shan hpe bai bang, dai nna ntsa kaw e Wa shan sau hte re hpe loi pa pa di kadoi bang, ngut nna mahkri sum n tsin hpe ntsa kaw chyam hkra ru bang ya na, hka hpe loi lim hkra bang na, hkying hkum mi shadu jang gaw mai sha sai .
Sa du n-gun jaw ai manaw manang ni yawng a ntsa karai kasang shaman chyeju jaw ya u ga.

Tsawra myit hte,
Nwainamchyim Shat gawk

WPNL ni a 'Rawt malan n-htoi' lu sha

Shat jam , nai shat mai n-tsin , Jap htu , Wa shan hte htu hkam gangau ni hte grai mu hkra, yawng myit hkrum ai hte chyawm lu chyawm sha sa ga ai.

Wa shan hte htu hkam kangau re ai.

Nai hte chying hkrang Shat mai n-tsin re ai.

Mahkri sum hte hpak kyi Jap htu re.